Teulu: Chwyth

Mae Alena Walentin yn mwynhau gyrfa ryngwladol fel unawdydd, cerddor siambr, trefnydd ac athrawes. Bu’n brif chwaraewr ffliwt gyda ROH Covent Garden, London Concert Orchestra, Halle, London Mozart Players, Verbier Chamber Orchestra, BBC Scottish Symphony Orchestra, BBC NOW ac eraill.

Ers graddio o’r Coleg Cerdd Brenhinol yn 2010 lle bu’n astudio fel Ysgolor Sylfaen, mae Chris wedi bod yn perfformio gyda cherddorfeydd, grwpiau siambr, cwmnïau opera a chynyrchiadau theatr yn ogystal ag yn y stiwdio recordio, ac o bryd i’w gilydd fel unawdydd.

Mae Alanna Pennar-Macfarlane yn fasŵnydd sy’n hanu o Swydd Clackmannan yn yr Alban yn wreiddiol. Ar ôl dechrau ar y clarinét symudodd Alanna i’r basŵn yn ei harddegau ac aeth hi i’r Royal Conservatoire of Scotland bob dydd Sadwrn i fynychu’r adran iau.

Yn wreiddiol o Birmingham, mae Lucy yn bwy yng Nghymru ers 1996.  Daeth i Gymru i astudio cerddoriaeth ym Mhrifysgol Bangor.  Graddiodd gyda BMus (Dosbarth cyntaf gydag anrhydedd) ac wedyn gydag M.A.  Mae hi’n chwarae piano a chlarinét, ond addysg gerddoriaeth yw ei phrif ddiddordeb.

Mae Nick Ireson yn mwynhau gyrfa brysur fel perfformiwr, gan weithio gydag amrywiaeth o gerddorfeydd ac ensemblau ledled y DU a thramor.  Fe’i gwelir yn aml o dan y llwyfan yn chwarae i wahanol gwmnïau bale ac weithiau mae’n mentro uwchben y ddaear i’r platfform cyngerdd hefyd.

Magwyd Llinos ym Mhwllheli, a mynychodd yr ysgol yno cyn cael ei derbyn i Ysgol Gerdd Chetham ym Manceinion ar gyfer chweched dosbarth. Parhaodd â’i haddysg  yng Ngholeg Santes Catharine yng Nghaergrawnt, cyn cwblhau cwrs ôl-raddedig yn yr Academi Gerdd Frenhinol yn Llundain.

Mae Huw yn byw yn Llundain fel oboydd ar ei liwt ei hun. Astudiodd yng Ngholeg Cerdd Frenhinol y Gogledd ym Manceinion gyda Robin Canter.

Peryn Clement-Evans yw prif glarinetydd a Chyfarwyddwr Artistig Ensemble Cymru. Bu Peryn yn fyfyriwr yng Ngholeg Cerdd Brenhinol y Gogledd (Manceinion) ac wedi hynny yn Rotterdam’s Conservatorium gyda’r unawdydd rhyngwladol o wlad Belg, Walter Boeijkens.