Digwyddiad yng Ngogledd Cymru i nodi Diwrnod Cerddoriaeth Siambr Cenedlaethol cyntaf Cymru
Tag: Chamber Music
Ensemble Cymru yn mynd ar eu taith fwyaf uchelgeisiol hyd yma o gerddoriaeth siambr
I gloi Tymor eu Pen-blwydd, mae ensemble cerddoriaeth siambr mwyaf blaenllaw Cymru, Ensemble Cymru, yn mynd ar eu taith gyngerdd fwyaf uchelgeisiol hyd yma a fydd yn cynnwys naw o gerddorion rhagorol a cherddoriaeth gan Handel hyd at Debussy, yn ogystal â gwaith comisiwn newydd sbon gan y cyfansoddwr o Gymro, Gareth Glyn.
Darllenwch fwy Ensemble Cymru yn mynd ar eu taith fwyaf uchelgeisiol hyd yma o gerddoriaeth siambr
Rhoi amlygrwydd i gyfansoddwyr byw o Gymru
Y gwanwyn yma mae Ensemble Cymru a Chyfansoddwyr Cymru wedi ymuno i roi amlygrwydd i waith tri chyfansoddwr Cymreig. Dewiswyd tri chyfansoddwr y perfformir eu gwaith mewn digwyddiadau arbennig cyn cyngherddau yn ystod taith genedlaethol Ensemble Cymru fis Mai eleni. Darllenwch fwy Rhoi amlygrwydd i gyfansoddwyr byw o Gymru
Big Give – y wybodaeth ddiweddaraf
Diolch yn fawr i bawb a gefnogodd ein hymgyrch ‘Big Give’. Dyma sut mae eich haelioni wedi helpu gwaith Ensemble Cymru hyd yn hyn. Darllenwch fwy Big Give – y wybodaeth ddiweddaraf
Tymor 2016-17 – Y Rhannau Gorau
Am dymor fu 2016-17! Diolch i chi, ein cynulleidfaoedd, ffrindiau a phartneriaid gwych am ein cefnogi ni a’n cynorthwyo i gadw cerddoriaeth siambr yn fyw ar draws Cymru. Gobeithio i chi fwynhau’r arlwy gymaint ag y gwnaethom ni.
Cymerwch olwg isod ar uchafbwyntiau’r ychydig fisoedd diwethaf trwy gyfrwng y clipiau fideo ac oriel luniau…
Darllenwch fwy Tymor 2016-17 – Y Rhannau Gorau
Cyfle i egin gerddorion Aberystwyth ddisgleirio
Mae’r grŵp cerddoriaeth siambr, Ensemble Cymru, ynghyd â Gwasanaeth Cerddoriaeth Ceredigion, wedi lansio ‘Academi Siambr’ newydd yng Nghanolfan y Celfyddydau Aberystwyth lle bydd cerddorion ifanc lleol yn cael cyfle i gymryd rhan mewn dosbarthiadau meistri gan rai o berfformwyr cerddoriaeth glasurol amlycaf y wlad.
Darllenwch fwy Cyfle i egin gerddorion Aberystwyth ddisgleirio
Cenhadaeth fasnachu Ensemble Cymru i China
Blog gan Peryn Clement-Evans, Cyfarwyddwr Artistig Ensemble Cymru.
“Ar ôl dwy flynedd o siarad am sut gall Ensemble Cymru weithio gyda cherddorion a chyfansoddwyr o Tsieina, mae’n falch gennyf ddweud ein bod yn awr yn cymryd ein cam pendant cyntaf tuag at wireddu hyn…
Y Dynion tu ôl y Gerddoriaeth – Blog Emma
Gyda diolch i Emma Lancastle am y blog canlynol.
Yn ystod eu Taith Chwefror, mae Ensemble Cymru yn cyflwyno rhaglen amrywiol o gerddoriaeth siambr i Glarinét, Ffidl a Phiano. Mae rhai o’r darnau gorau o gerddoriaeth glasurol wedi cael eu creu yn ystod cyfnodau o drallod a chaledi, ac mae’r rhaglen a gyflwynir gan y cwmni o Fangor yn rhoi sylw i weithiau rhai enwau cyfarwydd, a rhai cyfansoddwyr llai adnabyddus, tuag at ddiwedd eu hoes. Wrth i’r cyngerdd yng Nghaerdydd agosáu, rydym yn edrych ar y caledi a wynebodd y cyfansoddwyr yn ystod eu bywydau, a pha deithiau a wnaethant ar draws Ewrop ac America ar yr adeg y crëwyd y gweithiau. Darllenwch fwy Y Dynion tu ôl y Gerddoriaeth – Blog Emma
Ensemble Cymru yn y Swistir
Fel rhan o Raglen Gyfnewid Diwylliannol Ensemble Cymru mae Ensemble Cymru wedi cael ei wahodd i berfformio ar ddiwrnod olaf Pencampwriaeth Gymreig yr Alpau yn Champéry yn Canton Valais (Wallis) yn y Swistir.
Byddwn ni’n perfformio yn ddigwyddiad terfynol y gystadleuaeth ym mhresenoldeb Dirprwy Bennaeth Cenhadaeth a Conswl Cyffredinol Prydain yn y Swistir, Richard Ridout MBE.
Pennawd y llun: Sara Lian Owen, Peryn Clement-Evans and Anne Denholm (photo credit Timothy Ellis)
Bydd y rhaglen yn cynnwys ystod eang o gerddoriaeth o Gymru gan gynnwys Cerddoriaeth Grace Williams 40 mlynedd ers ei marwolaeth.
Mae Cymru a Valais yn rhannu hanes Celtaidd a tharddiad yn yr enw Wales a Valais (Wallis).
Perfformwyr:
Anne Denholm –Telyn (ein prif delynores newydd a’r delynores swyddogol i EUB Tywysog Cymru)
Sara Lian Owen – Soprano (yn wreiddiol o Fangor yn y Gogledd Cymru)
Peryn Clement-Evans – Clarinét
Meddai Peryn Clement-Evans, Cyfarwyddwr Artistig Ensemble Cymru a’r clarinetydd fydd ar y daith:
“Roedd yn gyffrous i dderbyn gwahoddiad i Pencampwriaeth Gymreig yr Aplau ac rwy’n edrych ymlaen at wneud cyfeillion newydd yn canton Valais yn y Swistir. Gwnaethom ni dderbyn gwahoddiad gan Ray Pritchard, Cymro sy’n byw yn y Swistir ac rydyn ni’n dra ddiolchgar iddo fo a’r gymuned yn Champéry am drefnu a chefnogi ein hymweliad”
Triawd gwych Ensemble Cymru yn mynd ar daith ym mis Chwefror
Mae Ensemble Cymru, pencerddorion cerddoriaeth siambr, yn mynd ar eu taith gyntaf yn 2017 – a byddant yn cynnal cyngherddau ar draws Cymru.
Y cerddorion arobryn yn cynnwys y feiolinydd Florence Cooke, y pianydd Richard Ormrod a chyfarwyddwr artistig a phrif glarinetydd Ensemble Cymru, Peryn Clement-Evans, fydd y triawd ar gyfer y daith ym mis Chwefror fydd yn cynnwys rhaglen chwaethus o gerddoriaeth siambr.
Bydd gwaith Mozart, un o gyfansoddwyr cerddoriaeth glasurol mwyaf toreithiog a dylanwadol, sef ei Sonata yn Bb fwyaf, yn cael ei chwarae yn ystod cyngherddau Ensemble Cymru ym mis Chwefror. Bydd y triawd siambr hefyd yn perfformio cyfres llawn egni a ysgrifenwyd gan gyfansoddwr Ffrengig hynod wreiddiol o’r ugeinfed ganrif, Darius Milhaud, a darn gan Béla Bartók, Contrasts, a ysbrydolwyd gan gerddoriaeth werin dwyrain Ewrop.
Meddai Peryn Clement-Evans, Cyfarwyddwr Artistig Ensemble Cymru a’r clarinetydd fydd ar y daith:
“Rydym i gyd ar ben ein digon ar ôl ein hymgyrch Rhoi Mawr ym mis Rhagfyr, a lwyddodd i godi £12,000. Ar ran Ensemble Cymru, hoffwn ddiolch yn fawr iawn i bawb am eu haelioni. Mae hyn wedi rhoi hwb sylweddol i ni cyn ein taith o amgylch Cymru ym mis Chwefror. Rwy’n edrych ymlaen at chwarae darn a ofynnodd y clarinetydd jazz enwog Benny Goodman i’w ffrind Béla Bartók ei gyfansoddi. Ceir llawer o draddodiadau a dawnsfeydd gwerin o Hwngari a Romania a bydd rhaid i Florence, ein feiolinydd, ail-diwnio dau linyn ar ei ffidil yn ystod y gerddoriaeth er mwyn gallu creu sain werin gyffrous iawn o ddwyrain Ewrop!”
Mae tocynnau ar werth mewn lleoliadau ar draws Cymru yn cynnwys Venue Cymru, Llandudno, Capel Gad yng Nghilcain ger yr Wyddgrug, Pontio ym Mangor, Galeri yng Nghaernarfon, Neuadd Dwyfor ym Mhwllheli a Chanolfan Ucheldre Caergybi, Canolfan y Celfyddydau Aberystwyth a Chapter Arts yng Nghaerdydd. Ewch i ein tudalen digwyddiadau i weld rhestr lawn o’r lleoliadau a dyddiadau ac amseroedd y cyngherddau. Fe’ch cynghorir i archebu tocyn ymlaen llaw.