Posted on

Priodas Figaro Mozart.. ar ein trothwy

Bydd Ensemble Cymru yn ymuno â chwmni Opera Canolbarth Cymru yn y gwanwyn mewn cynhyrchiad newydd o gampwaith Mozart, Priodas Figaro. Gan ddefnyddio cyfieithiad Saesneg Amanda Holden, bydd helyntion Figaro a’i ddarpar wraig Susanna wrth ymdrechu i dwyllo’u meistri, yn siwr o greu llond bol o chwerthin!  Mae’r cynhyrchiad wedi ei deilwra’n arbennig i’r gynulleidfa yng Nghymru ac ar y llwyfan bydd perfformwyr rhyngwladol yn ymuno â rhai o ieuenctid talentog Academi Llais Ryngwladol Cymru.

Darllenwch fwy Priodas Figaro Mozart.. ar ein trothwy
Posted on

Dathlu Alawon

Taith Mis Tachwedd

A hithau’n Ddiwrnod Cenedlaethol Awstria ddydd Sadwrn diwethaf , braf yw cyhoeddi y bydd teyrnged Cymreig i’r cyfansoddwr Awstraidd, Franz Schubert i’w glywed yn rhai o brif neuaddau cyngerdd Cymru yn ystod mis Tachwedd.

Bydd grŵp cerddoriaeth siambr mwyaf blaenllaw Cymru, Ensemble Cymru yn perfformio gwaith gan un o gyfansoddwyr mwyaf y byd, sef Wythawd yn F fwyaf gan Schubert ac Wythawd gan y cyfansoddwr Cymreig John Metcalf mewn naw cyngerdd arbennig ar hyd ac ar led Cymru ym mis Tachwedd. Perfformir y ddwy wythawd gan chwareuwyr feiolin, fiola, cello, bas dwbwl, clarinet, basŵn a chorn Ffrengig a hynny mewn lleoliadau yn amrywio o Gaergybi, Bangor, Pwllheli, Llandudno, Bae Colwyn, Cilcain, Tudraeth, i Aberhonddu ac Aberystwyth rhwng Tachweddd 2 a 17. Darllenwch fwy Dathlu Alawon

Posted on

Ensemble Cymru yn mynd ar eu taith fwyaf uchelgeisiol hyd yma o gerddoriaeth siambr

I gloi Tymor eu Pen-blwydd, mae ensemble cerddoriaeth siambr mwyaf blaenllaw Cymru, Ensemble Cymru, yn mynd ar eu taith gyngerdd fwyaf uchelgeisiol hyd yma a fydd yn cynnwys naw o gerddorion rhagorol a cherddoriaeth gan Handel hyd at Debussy, yn ogystal â gwaith comisiwn newydd sbon gan y cyfansoddwr o Gymro, Gareth Glyn.

Darllenwch fwy Ensemble Cymru yn mynd ar eu taith fwyaf uchelgeisiol hyd yma o gerddoriaeth siambr

Posted on

Rhoi amlygrwydd i gyfansoddwyr byw o Gymru

Y gwanwyn yma mae Ensemble Cymru a Chyfansoddwyr Cymru wedi ymuno i roi amlygrwydd i waith tri chyfansoddwr Cymreig.   Dewiswyd tri chyfansoddwr y perfformir eu gwaith mewn digwyddiadau arbennig cyn cyngherddau yn ystod taith genedlaethol Ensemble Cymru fis Mai eleni. Darllenwch fwy Rhoi amlygrwydd i gyfansoddwyr byw o Gymru

Posted on

Y sesiynau ‘cyflwyno’: Dewch i gwrdd â Katka…

Katka Maresova Dewch i adnabod y cerddorion y tu ôl i’r offerynnau gyda’n sesiynau ‘cyflwyno’. Yn gyntaf y mae’r ychwanegiad newydd at deulu Ensemble Cymru, Katka Marešová.

Ganed a magwyd Katka yng Ngweriniaeth Tsiec, a chyrhaeddodd Brydain fis Medi’r llynedd i dreulio blwyddyn yn astudio ym, Mhrifysgol Bangor. Ac mae’n ymddangos bod tirwedd garw, fynyddig gogledd Cymru yn rhannu rhai nodweddion tebyg â chartref Katka, fel yr eglura… Darllenwch fwy Y sesiynau ‘cyflwyno’: Dewch i gwrdd â Katka…

Posted on

Llwyddiant dwbl i ddoniau Ensemble Cymru

Mae wedi bod yn wythnos nodedig ar gyfer dwy o sêr ifainc Ensemble Cymru, sef Collette Astley-Jones a Llinos Elin Owen, wrth iddynt ddathlu cael swyddi newydd, cyffrous!

Stori Llinos

Cafodd Llinos ei swydd gyntaf gydag Ensemble Cymru, Ensemble Preswyl ym Mhrifysgol Bangor a Venue Cymru, fel baswnydd proffesiynol fwy na deng mlynedd yn ôl. Yn ystod y cyfnod hwn, bu Llinos yn cymryd rhan yn gyson yng nghyngherddau’r Ensemble, gan berfformio’n fwyaf diweddar ar daith genedlaethol Pedr a’r Blaidd.

Yn awr, mae gan Llinos swydd newydd i’w hychwanegu at ei CV cynyddol, am ei bod newydd gael ei phenodi’n is-brif faswnydd gyda Sinfonia’r Bale Brenhinol, sef cerddorfa Bale Brenhinol Birmingham. Darllenwch fwy Llwyddiant dwbl i ddoniau Ensemble Cymru

Posted on

Cantores leol yn helpu’r Ensemble i gael llais

Llio cropped

Mae gwledd arbennig yn disgwyl cerddgarwyr Bangor, wrth i Pontio baratoi i gynnal cyngerdd unigryw ar 3 Ebrill, gyda cherddorion o Ensemble Cymru a sêr gwadd o Gorws Cenedlaethol Cymreig y BBC – yn cynnwys y soprano o Fôn, Llio Evans.

Fel rhan o gyfres Pontio Cerddoriaeth ym Mangor, bydd Pedwarawd Mavron a chantorion o Gorws Cenedlaethol Cymreig y BBC yn ymuno ag ensemble preswyl Prifysgol Bangor a Venue Cymru, Ensemble Cymru, ar gyfer noson fythgofiadwy o gerdd a chân.

Bydd rhaglen y noson yn llwyfannu cerddoriaeth o’r 18fed ganrif trwodd hyd at yr 20fed ganrif, yn cynnwys Cantata Coffi gan Bach, Wythawd gan Mendelssohn a Messe Modale gan Jehan Alain.

Meddai Cyfarwyddwr Artistig Ensemble Cymru, Peryn Clement-Evans:

“Rydym yn awyddus i gynnwys cantorion yng ngweithgareddau’r Ensemble ers i Ensemble Cymru gychwyn yn 2001. Gyda chymorth aelodau rhyfeddol Corws Cenedlaethol Cymreig y a’u corws-feistr Adrian Partington, rydym wedi cyrraedd carreg filltir gyntaf o bwys wrth sefydlu consort lleisiol o fewn yr Ensemble. Mae’r syniad o gyflwyno amrywiaeth ehangach fyth o gerddoriaeth i gynulleidfaoedd, cymunedau ac ysgolion ar draws Cymru yn arbennig o gyffrous. Wrth wneud hyn, rydym yn edrych ymlaen at greu mwy o gyfleoedd gwaith i gantorion penigamp yng Nghymru sy’n awyddus i ymuno â ni wrth inni rannu ein hangerdd tuag at gerddoriaeth siambr.”

Bydd talent o’r ardal yn ymuno â cherddorion Ensemble Cymru, wrth i’r soprano Llio Evans, sy’n hanu o Lanfairpwll, ddychwelyd i Ogledd Cymru gydag aelodau eraill Corws Cenedlaethol Cymreig y BBC i berfformio yn y gyngerdd. Meddai Llio, “Mae dod adref i berfformio bob amser yn gymaint o bleser, gan mai cynulleidfaoedd Gogledd Cymru yw’r gorau, wrth reswm! Mae cael cyfle i weithio mewn cysylltiad agos â cherddorion Ensemble Cymru wedi bod yn uchafbwynt gwirioneddol imi, ac rwy wedi cynhyrfu’n lân wrth ragweld ymateb y gynulleidfa i’n cydweithrediad.”

Gwybodaeth am y Gyngerdd

Cerddoriaeth ym Mangor: Ensemble Cymru gydag aelodau Pedwarawd Mavron ac aelodau o Gorws Cenedlaethol Cymreig y BBC

  • Nos Iau 3 Ebrill 2014 am 8pm
  • Neuadd Powis, Prifysgol Bangor
  • Hyd: 2 awr (un egwyl)
  • Tocynnau: £12 | £9 gostyngiadau |£3 myfyrwyr
    £25 tocyn teulu
  • Gellir prynu tocynnau dros y ffôn 01248 382828, arlein drwy Ganolfan Mileniwm Cymru. neu yn siop Pontio ar Stryd Fawr Bangor.

Posted on 1 Comment

Collette’s Blog (Bangor University Student) Blog Collette (Myfyrwraig Prifysgol Bangor)

Hi everybody!

My name is Collette Astley-Jones and I am currently a Masters student in Music at Bangor University. I’m also working alongside Ensemble Cymru as part of my ATM funding. I am a French Horn player and Chairperson of the Bangor University Music Society and I love every aspect of musical life at Bangor! 🙂

On Wednesday 3rd October, Ensemble Cymru’s Reed Riot Concert went to Pwllheli and Nefyn where it was a great hit! Everyone who attended seemed to leave the concert beaming, after having been introduced to three fantastic instruments; the oboe, the clarinet and the bassoon. The audience seemed to particularly appreciate the brief explanations before each piece giving them an insight into the way the piece was composed and is played. For example, the last movement of Walthew’s Triolet in Eb conjures up the image of pixies running around the forest, whilst Lutoslawski’s work incorporated many elements of tricky contrapuntal studies into his Trio. My particular favourite works were the wistful second movement of the Walthew , and the first movement of Françaix’s Divertimento which had many difficult passages for the players incorporated into it.